mutmain apne yaqin par agar insan ho jae

mutma.in apne yaqīñ par agar insāñ ho jaa.e

sau hijāboñ meñ jo pinhāñ hai numāyāñ ho jaa.e

is tarah qurb tirā aur bhī āsāñ ho jaa.e

merā ek ek nafas kaash rag-e-jāñ ho jaa.e

vo kabhī sehn-e-chaman meñ jo ḳhirāmāñ ho jaa.e

ġhuncha bālīda ho itnā ki gulistāñ ho jaa.e

ishq kā koī natīja to ho achchhā ki burā

ziist mushkil hai to marnā mirā āsāñ ho jaa.e

jaan le naaz agar martaba-e-ijz-o-niyāz

husn sau jaan se ḳhud ishq kā ḳhvāhāñ ho jaa.e

mere hī dam se hai ābād junūñ-ḳhāna-e-ishq

maiñ na huuñ qaid to barbādi-e-zindāñ ho jaa.e

hai tire husn kā nazzāra vo hairat-afzā

dekh le chashm-e-tasavvur bhī to hairāñ ho jaa.e

diid ho baat na ho aañkh mile dil na mile

ek din koī to puurā mirā armāñ ho jaa.e

maiñ agar ashk-e-nidāmat ke javāhir bhar luuñ

tosha-e-hashr mirā gosha-e-dāmāñ ho jaa.e

le ke dil tark-e-jafā par nahīñ raazī to mujhe

hai ye manzūr ki vo jaan kā ḳhvāhāñ ho jaa.e

apnī mahfil meñ biThā lo na suno kuchh na kaho

kam se kam ek din 'ahsan' pe ye ehsāñ ho jaa.e

mutmain apne yaqin par agar insan ho jae

sau hijabon mein jo pinhan hai numayan ho jae

is tarah qurb tera aur bhi aasan ho jae

mera ek ek nafas kash rag-e-jaan ho jae

wo kabhi sehn-e-chaman mein jo KHiraman ho jae

ghuncha baalida ho itna ki gulistan ho jae

ishq ka koi natija to ho achchha ki bura

zist mushkil hai to marna mera aasan ho jae

jaan le naz agar martaba-e-ijz-o-niyaz

husn sau jaan se KHud ishq ka KHwahan ho jae

mere hi dam se hai aabaad junun-KHana-e-ishq

main na hun qaid to barbaadi-e-zindan ho jae

hai tere husn ka nazzara wo hairat-afza

dekh le chashm-e-tasawwur bhi to hairan ho jae

did ho baat na ho aankh mile dil na mile

ek din koi to pura mera arman ho jae

main agar ashk-e-nidamat ke jawahir bhar lun

tosha-e-hashr mera gosha-e-daman ho jae

le ke dil tark-e-jafa par nahin raazi to mujhe

hai ye manzur ki wo jaan ka KHwahan ho jae

apni mahfil mein biTha lo na suno kuchh na kaho

kam se kam ek din 'ahsan' pe ye ehsan ho jae