na aaina hi us surat ke aage hakka-bakka hai

na ā.īna hī us sūrat ke aage hakkā-bakkā hai

siyāhī dekh us ke ḳhat ke mad kī dil meñ lukkā hai

huā insāñ numāyāñ nūr-e-zāt-e-pāk-vahdat se

ki jyuuñ ḳhurshīd ke partav se zarre meñ jhamakkā hai

huā aḳhbār se sābit savāb-e-hajj-e-akbar hai

ziyārat kar le ai ġhāfil dil-e-āgāh makka hai

bachā niiñ koī us zālim ke jaur-e-chashm-o-mizhgāñ se

vahāñ ā.īna bhī shān-e-asal kā sā shabakkā hai

jhukā kar ek maiñ sar naam apnā kar diyā raushan

funūn-e-ishq meñ kam koī parvāna sā pakkā hai

mavālī-e-alī kā hai ba-ḳhair anjām buujh ai 'ishq'

ḳhudā hāfiz tirā dozaḳh bhī ik shara.ī-e-dikkā hai

na aaina hi us surat ke aage hakka-bakka hai

siyahi dekh us ke KHat ke mad ki dil mein lukka hai

hua insan numayan nur-e-zat-e-pak-wahdat se

ki jyun KHurshid ke partaw se zarre mein jhamakka hai

hua aKHbar se sabit sawab-e-hajj-e-akbar hai

ziyarat kar le ai ghafil dil-e-agah makka hai

bacha nin koi us zalim ke jaur-e-chashm-o-mizhgan se

wahan aaina bhi shan-e-asal ka sa shabakka hai

jhuka kar ek main sar nam apna kar diya raushan

funun-e-ishq mein kam koi parwana sa pakka hai

mawali-e-ali ka hai ba-KHair anjam bujh ai 'ishq'

KHuda hafiz tera dozaKH bhi ek sharai-e-dikka hai