na aaya kabhi main tere aastan par

na aayā kabhī maiñ tire āstāñ par

bhaTaktā rahā bas yahāñ aur vahāñ par

tirī yaad ne dil to raushan kiyā thā

lagāyā magar qufl merī zabāñ par

kabhī fikr-e-fardā kabhī yād-e-māzī

har ik din nayā baar mujh nā-tavāñ par

sunā.ī sar-e-anjuman jo thī tū ne

koī shaḳhs royā thā is dāstāñ par

ise shā.irī tum kaho to kaho par

kahe sher maiñ ne haiñ dil kī fuġhāñ par

'zohaib' ham mashaqqat se ghabrā.e kab the

magar dil dukhī hai to kār-e-ziyāñ par

na aaya kabhi main tere aastan par

bhaTakta raha bas yahan aur wahan par

teri yaad ne dil to raushan kiya tha

lagaya magar qufl meri zaban par

kabhi fikr-e-farda kabhi yaad-e-mazi

har ek din naya bar mujh na-tawan par

sunai sar-e-anjuman jo thi tu ne

koi shaKHs roya tha is dastan par

ise shairi tum kaho to kaho par

kahe sher main ne hain dil ki fughan par

'zohaib' hum mashaqqat se ghabrae kab the

magar dil dukhi hai to kar-e-ziyan par