na bewafai ka Dar tha na gham judai ka

na bevafā.ī kā Dar thā na ġham judā.ī kā

mazā meñ kyā kahūñ āġhāz-e-āshnā.ī kā

kahāñ nahīñ hai tamāshā tirī ḳhudā.ī kā

magar jo dekhne de ro.ab kibriyā.ī kā

vo nā-tavāñ huuñ agar nabz ko huī jumbish

to saaf joḌ judā ho gayā kalā.ī kā

shab-e-visāl bahut kam hai āsmāñ se kaho

ki joḌ de koī TukḌā shab-e-judā.ī kā

ye josh-e-husn se tañg aa.ī hai qabā in kī

ki band band hai ḳhvāhāñ girah-kushā.ī kā

kamān haath se rakh said-gāh-e-irfāñ meñ

ki tiir said hai yaañ dām-e-nā-rasā.ī kā

vo bad-nasīb huuñ yaar aa.e mere ghar to bane

simaT ke vasl kī shab til ruḳh-e-judā.ī kā

hazāroñ kāfir o momin paḌe haiñ sajde meñ

butoñ ke ghar meñ bhī sāmān hai ḳhudā.ī kā

tamām ho ga.e ham pahle hī nigāh meñ haif

na raat vasl kī dekhī na din judā.ī kā

nahīñ hai mohr lifāfa pe ḳhat ke ai qāsid

ye daaġh hai mirī qismat kī nā-rasā.ī kā

naqāb Daal ke ai āftāb-e-hashr nikal

ḳhudā se Dar ye kahīñ din hai ḳhud-numā.ī kā

nahīñ qarār ghaḌī bhar kisī ke pahlū meñ

ye zauq hai tire nāvak ko dilrubā.ī kā

marī taraf se koī jā ke kohkan se kahe

nahīñ nahīñ ye mahal zor-āzmā.ī kā

kahā jo maiñ ne ki maiñ ḳhāk-e-rāh huuñ terā

to bole hai abhī pindār ḳhud-numā.ī kā

junūñ jo merī taraf ho vo jast-o-ḳhez karūñ

ki dil ho TuuT ke TukḌe shikasta-pā.ī kā

'amīr' roiye apne nasīb ko aisā

ki ho saped siyah abr nā-rasā.ī kā

na bewafai ka Dar tha na gham judai ka

maza mein kya kahun aaghaz-e-ashnai ka

kahan nahin hai tamasha teri KHudai ka

magar jo dekhne de roab kibriyai ka

wo na-tawan hun agar nabz ko hui jumbish

to saf joD juda ho gaya kalai ka

shab-e-visal bahut kam hai aasman se kaho

ki joD de koi TukDa shab-e-judai ka

ye josh-e-husn se tang aai hai qaba in ki

ki band band hai KHwahan girah-kushai ka

kaman hath se rakh said-gah-e-irfan mein

ki tir said hai yan dam-e-na-rasai ka

wo bad-nasib hun yar aae mere ghar to bane

simaT ke wasl ki shab til ruKH-e-judai ka

hazaron kafir o momin paDe hain sajde mein

buton ke ghar mein bhi saman hai KHudai ka

tamam ho gae hum pahle hi nigah mein haif

na raat wasl ki dekhi na din judai ka

nahin hai mohr lifafa pe KHat ke ai qasid

ye dagh hai meri qismat ki na-rasai ka

naqab Dal ke ai aaftab-e-hashr nikal

KHuda se Dar ye kahin din hai KHud-numai ka

nahin qarar ghaDi bhar kisi ke pahlu mein

ye zauq hai tere nawak ko dilrubai ka

mari taraf se koi ja ke kohkan se kahe

nahin nahin ye mahal zor-azmai ka

kaha jo main ne ki main KHak-e-rah hun tera

to bole hai abhi pindar KHud-numai ka

junun jo meri taraf ho wo jast-o-KHez karun

ki dil ho TuT ke TukDe shikasta-pai ka

'amir' roiye apne nasib ko aisa

ki ho saped siyah abr na-rasai ka