na bulbul mein na parwane mein dekha

na bulbul meñ na parvāne meñ dekhā

jo saudā apne dīvāne meñ dekhā

barābar uus kī zulfoñ ke siyah-baḳht

maiñ apne baḳht ko shāne meñ dekhā

kisī hindū musalmāñ ne ḳhudā ko

na kā'be meñ na but-ḳhāne meñ dekhā

na kohistāñ meñ dekhā kohkan ne

na kuchh majnūñ ne vīrāne meñ dekhā

na askandar ne dekhā aa.ine meñ

na jam ne apne paimāne meñ dekhā

par us kī kunh ko koī na pahuñchā

jise dekhā so afsāne meñ dekhā

faqīroñ se sunā hai ham ne 'hātim'

mazā jiine kā mar jaane meñ dekhā

na bulbul mein na parwane mein dekha

jo sauda apne diwane mein dekha

barabar us ki zulfon ke siyah-baKHt

main apne baKHt ko shane mein dekha

kisi hindu musalman ne KHuda ko

na ka'be mein na but-KHane mein dekha

na kohistan mein dekha kohkan ne

na kuchh majnun ne virane mein dekha

na askandar ne dekha aaine mein

na jam ne apne paimane mein dekha

par us ki kunh ko koi na pahuncha

jise dekha so afsane mein dekha

faqiron se suna hai hum ne 'hatim'

maza jine ka mar jaane mein dekha