na dekha ruKH be-naqab-e-mohabbat

na dekhā ruḳh be-naqāb-e-mohabbat

mohabbat hai shāyad hijāb-e-mohabbat

barastā hai kaif-e-shabāb-e-mohabbat

har aañsū hai jām-e-sharāb-e-mohabbat

ajab josh par hai shabāb-e-mohabbat

mohabbat hai mast-e-sharāb-e-mohabbat

zahe ḳhvāb o tābīr ḳhvāb-e-mohabbat

mohabbat hī niklī javāb-e-mohabbat

mujhe kyā paḌī hai tire dar se uTThūñ

Thaharne jo de iztirāb-e-mohabbat

dil-e-zarra zarra hai tūr-e-tajallī

zahe jalva-e-āftāb-e-mohabbat

sabhī uTh ga.e diida o dil se parde

na uTThā magar ik hijāb-e-mohabbat

na rakkho ġharaz ham se itnā hī kah do

halāk-e-tabassum ḳharāb-e-mohabbat

lahū kī har ik buuñd dil ban ga.ī hai

ḳhushā lazzat-e-kāmyāb-e-mohabbat

hudūd-e-mohabbat se bhī baḌh ga.e ham

salāmat rahe iztirāb-e-mohabbat

na dekha ruKH be-naqab-e-mohabbat

mohabbat hai shayad hijab-e-mohabbat

barasta hai kaif-e-shabab-e-mohabbat

har aansu hai jam-e-sharab-e-mohabbat

ajab josh par hai shabab-e-mohabbat

mohabbat hai mast-e-sharab-e-mohabbat

zahe KHwab o tabir KHwab-e-mohabbat

mohabbat hi nikli jawab-e-mohabbat

mujhe kya paDi hai tere dar se uTThun

Thaharne jo de iztirab-e-mohabbat

dil-e-zarra zarra hai tur-e-tajalli

zahe jalwa-e-aftab-e-mohabbat

sabhi uTh gae dida o dil se parde

na uTTha magar ek hijab-e-mohabbat

na rakkho gharaz hum se itna hi kah do

halak-e-tabassum KHarab-e-mohabbat

lahu ki har ek bund dil ban gai hai

KHusha lazzat-e-kaamyab-e-mohabbat

hudud-e-mohabbat se bhi baDh gae hum

salamat rahe iztirab-e-mohabbat