na gaya KHayal-e-zulf-e-siyah jafa-shaaran

na gayā ḳhayāl-e-zulf-e-siyah jafā.-sha.ārāñ

na huā ki sub.h hove shab-e-tīra rozgārāñ

na kahā thā ai rafūgar tire Tāñke hoñge Dhīle

na siyā gayā ye āḳhir dil-e-chāk-e-be-qarārāñ

huī iid sab ne pahne tarab-o-ḳhushī ke jaame

na huā ki ham bhī badleñ ye libās-e-sogovārāñ

ḳhatar aziim meñ haiñ mirī āh-o-ashk se sab

ki jahān rah chukā phir jo yahī hai bād-o-bārāñ

kahīñ ḳhāk-e-kū ko us kī tū sabā na diijo jumbish

ki bhare haiñ is zamīñ meñ jigar jigar-figārāñ

rakhe tāj-e-zar ko sar par chaman zamāna meñ gil

na shagufta ho tū itnā ki ḳhizāñ hai ye bahārāñ

nahīñ tujh ko chashm-e-ibrat ye numūd meñ hai varna

ki ga.e haiñ ḳhaak meñ mil ka.ī tujh se tāj-dārāñ

tū jahāñ se dil uThā yaañ nahīñ rasm-e-dardmandī

kisī ne bhī yuuñ na pūchhā hue ḳhaak yaañ hazārāñ

ye ajal se jī chhupānā mirā āshkār haigā

ki ḳharāb hogā mujh bin ġham-e-ishq gul-azārāñ

ye sunā thā 'mīr' ham ne ki fasāna ḳhvāb lā hai

tirī sar-guzasht sun kar ga.e aur ḳhvāb yārāñ

na gaya KHayal-e-zulf-e-siyah jafa-shaaran

na hua ki subh howe shab-e-tira rozgaran

na kaha tha ai rafugar tere Tanke honge Dhile

na siya gaya ye aaKHir dil-e-chaak-e-be-qararan

hui id sab ne pahne tarab-o-KHushi ke jame

na hua ki hum bhi badlen ye libas-e-sogowaran

KHatar azim mein hain meri aah-o-ashk se sab

ki jahan rah chuka phir jo yahi hai baad-o-baran

kahin KHak-e-ku ko us ki tu saba na dijo jumbish

ki bhare hain is zamin mein jigar jigar-figaran

rakhe taj-e-zar ko sar par chaman zamana mein gil

na shagufta ho tu itna ki KHizan hai ye bahaaran

nahin tujh ko chashm-e-ibrat ye numud mein hai warna

ki gae hain KHak mein mil kai tujh se taj-daran

tu jahan se dil uTha yan nahin rasm-e-dardmandi

kisi ne bhi yun na puchha hue KHak yan hazaran

ye ajal se ji chhupana mera aashkar haiga

ki KHarab hoga mujh bin gham-e-ishq gul-azaran

ye suna tha 'mir' hum ne ki fasana KHwab la hai

teri sar-guzasht sun kar gae aur KHwab yaran