نہ ہم محو خیال ابروے خم دار سوتے ہیں

نہ ہم محو خیال ابروے خم دار سوتے ہیں

سپاہی ہیں زبس باندھے ہوئے تلوار سوتے ہیں

تمہارا سوتے سوتے چونک پڑنا کھب گیا دل میں

کہ اکثر خود بخود ہو ہو کے ہم بیدار سوتے ہیں

الٰہی ہم کو ہے کس کا خیال خواب و بیداری

جو لاکھوں ہار اٹھتے ہیں ہزاروں یار سوتے ہیں

نگاہ مست ساقی میں ہے کیا دارائے بے ہوشی

کہ ساغر لگ رہا ہے منہ سے اور مے خوار سوتے ہیں

نہ کر وسواس دل میں چل وہاں معروفؔ بے کھٹکے

کہ دربان اونگھتا ہے اور چوکیدار سوتے ہیں