na haram ki hai mujhe justuju na dar-e-butan ki talash hai

na haram kī hai mujhe justujū na dar-e-butāñ kī talāsh hai

tire naqsh-e-pā kī hai aarzū tire āstāñ kī talāsh hai

na talab hai naġhma-e-dair kī na mujhe azaañ kī talāsh hai

jo diloñ kī aag ko chheḌ de mujhe us fuġhāñ kī talāsh hai

pas-e-parda ho chukī guftugū kabhī sāmne bhī to aao tum

maiñ zamīñ ko le ke karūñgā kyā mujhe āsmāñ kī talāsh hai

tirā jalva merī sharāb hai mirī sajda-gah tirā āstāñ

na talab mujhe mai-o-jām kī na dar-e-muġhāñ kī talāsh hai

mujhe nāḳhudā se ġharaz nahīñ mujhe ḳhauf-e-mauj-e-ravāñ nahīñ

jo lagā de kashti-e-dil ko paar usī bādbāñ kī talāsh hai

kabhī uTh ke sho.ala-e-dil dikhā tū hī is ġharīb ko rāsta

ki añdherī raat meñ barq ko mire āshiyāñ kī talāsh hai

jo atā ho daulat-e-do-jahāñ to kabhī qubūl na maiñ karūñ

mile dard-e-ishq tirā mujhe usī armuġhāñ kī talāsh hai

huā jal ke ḳhaak jo āshiyāñ to ye ḳhaak rah ke karegī kyā

ġham-e-ārzī hai azāb-e-jāñ ġham-e-jāvedāñ kī talāsh hai

tirī jo ġhazal hai vo ai 'valī' hai ḳhazāna fikr-e-buland kā

na muhāvare kī hai justujū na tujhe zabāñ kī talāsh hai

na haram ki hai mujhe justuju na dar-e-butan ki talash hai

tere naqsh-e-pa ki hai aarzu tere aastan ki talash hai

na talab hai naghma-e-dair ki na mujhe azan ki talash hai

jo dilon ki aag ko chheD de mujhe us fughan ki talash hai

pas-e-parda ho chuki guftugu kabhi samne bhi to aao tum

main zamin ko le ke karunga kya mujhe aasman ki talash hai

tera jalwa meri sharab hai meri sajda-gah tera aastan

na talab mujhe mai-o-jam ki na dar-e-mughan ki talash hai

mujhe naKHuda se gharaz nahin mujhe KHauf-e-mauj-e-rawan nahin

jo laga de kashti-e-dil ko par usi baadban ki talash hai

kabhi uTh ke shoala-e-dil dikha tu hi is gharib ko rasta

ki andheri raat mein barq ko mere aashiyan ki talash hai

jo ata ho daulat-e-do-jahan to kabhi qubul na main karun

mile dard-e-ishq tera mujhe usi armughan ki talash hai

hua jal ke KHak jo aashiyan to ye KHak rah ke karegi kya

gham-e-arzi hai azab-e-jaan gham-e-jawedan ki talash hai

teri jo ghazal hai wo ai 'wali' hai KHazana fikr-e-buland ka

na muhaware ki hai justuju na tujhe zaban ki talash hai