na manna tha meri baat aur na mani thi

na mānñā thā mirī baat aur na maanī thī

ki dil ne pahle se hī ḳhud-kushī kī Thānī thī

ye bah rahe the kisī bevafā kī furqat meñ

ai chashm ye tire ashkoñ kī rā.egānī thī

na koī raḳht-e-safar thā na ham-safar koī

miyān-e-karb-e-safar merī nauha-ḳhvānī thī

tamām vaqt hī maiñ shā.irī ko de detā

shikam kī aag bhī mujh ko magar bujhānī thī

vo le rahā thā abhī mujh se intiqām magar

maiñ jāntā thā adāvat baḌī purānī thī

mujhe kiyā dil-e-duniyā-parast ne barbād

vagarna mere muqaddar meñ kāmrānī thī

isī liye maiñ utar aayā bevafā.ī par

vafā jo va.ada-farāmosh ko sikhānī thī

vo jā basā hai mohabbat ke dasht meñ 'tanvīr'

dayār-e-husn meñ kab dil kī qadrdānī thī

na manna tha meri baat aur na mani thi

ki dil ne pahle se hi KHud-kushi ki Thani thi

ye bah rahe the kisi bewafa ki furqat mein

ai chashm ye tere ashkon ki raegani thi

na koi raKHt-e-safar tha na ham-safar koi

miyan-e-karb-e-safar meri nauha-KHwani thi

tamam waqt hi main shairi ko de deta

shikam ki aag bhi mujh ko magar bujhani thi

wo le raha tha abhi mujh se intiqam magar

main jaanta tha adawat baDi purani thi

mujhe kiya dil-e-duniya-parast ne barbaad

wagarna mere muqaddar mein kaamrani thi

isi liye main utar aaya bewafai par

wafa jo wada-faramosh ko sikhani thi

wo ja basa hai mohabbat ke dasht mein 'tanwir'

dayar-e-husn mein kab dil ki qadrdani thi