na manzil se na manzil ka nishan tak

na manzil se na manzil kā nishāñ tak

junūñ le jā.egā āḳhir kahāñ tak

jahāñ mamnūa hai shaġhl-e-fuġhāñ tak

vahāñ shikve agar aa.e zabāñ tak

na uThvāo hameñ mahfil se apnī

baḌī mushkil se aa.e haiñ yahāñ tak

tumheñ mahsūs hogā saath huuñ maiñ

mujhe aalam meñ DhūñDoge jahāñ tak

ham un rāhoñ pe tanhā chal rahe haiñ

jahāñ gum ho ga.e haiñ kārvāñ tak

qafas hī meñ bahut achchhe the 'bismil'

milā kyā aa ke ujḌe āshiyāñ tak

na manzil se na manzil ka nishan tak

junun le jaega aaKHir kahan tak

jahan mamnua hai shaghl-e-fughan tak

wahan shikwe agar aae zaban tak

na uThwao hamein mahfil se apni

baDi mushkil se aae hain yahan tak

tumhein mahsus hoga sath hun main

mujhe aalam mein DhunDoge jahan tak

hum un rahon pe tanha chal rahe hain

jahan gum ho gae hain karwan tak

qafas hi mein bahut achchhe the 'bismil'

mila kya aa ke ujDe aashiyan tak