na manzilen thin na kuchh dil mein tha na sar mein tha

Rajinder Manchanda Bani

na manzilen thin na kuchh dil mein tha na sar mein tha

Rajinder Manchanda Bani

MORE BY Rajinder Manchanda Bani

    na manzileñ thiiñ na kuchh dil meñ thā na sar meñ thā

    ajab nazāra-e-lā-samtiyat nazar meñ thā

    itaab thā kisī lamhe ik zamāne par

    kisī ko chain na bāhar thā aur na ghar meñ thā

    chhupā ke le gayā duniyā se apne dil ke ghaao

    ki ek shaḳhs bahut taaq is hunar meñ thā

    kisī ke lauTne jab sadā sunī to khulā

    ki mere saath koī aur bhī safar meñ thā

    kabhī maiñ aab ke tamīr-karda qasr meñ huuñ

    kabhī havā meñ banā.e hue se ghar meñ thā

    jhijak rahā thā vo kahne se koī baat aisī

    maiñ chup khaḌā thā ki sab kuchh mirī nazar meñ thā

    yahī samajh ke use ḳhud sadā na maiñ ne

    vo tez-gām kisī duur ke safar meñ thā

    kabhī huuñ terī ḳhamoshī ke kaTte sāhil par

    kabhī maiñ lauTtī āvāz ke bhañvar meñ thā

    hamārī aañkh meñ aa kar banā ik ashk vo rañg

    jo barg-e-sabz ke andar na shāḳh-e-tar meñ thā

    koī bhī ghar meñ samajhtā na thā mire dukh sukh

    ek ajnabī tarah maiñ ḳhud apne ghar meñ thā

    abhī na barse the 'bānī' ghire hue bādal

    maiñ uḌtī ḳhaak mānind rahguzar meñ thā

    na manzilen thin na kuchh dil mein tha na sar mein tha

    ajab nazara-e-la-samtiyat nazar mein tha

    itab tha kisi lamhe ka ek zamane par

    kisi ko chain na bahar tha aur na ghar mein tha

    chhupa ke le gaya duniya se apne dil ke ghao

    ki ek shaKHs bahut taq is hunar mein tha

    kisi ke lauTne ki jab sada suni to khula

    ki mere sath koi aur bhi safar mein tha

    kabhi main aab ke tamir-karda qasr mein hun

    kabhi hawa mein banae hue se ghar mein tha

    jhijak raha tha wo kahne se koi baat aisi

    main chup khaDa tha ki sab kuchh meri nazar mein tha

    yahi samajh ke use KHud sada na di main ne

    wo tez-gam kisi dur ke safar mein tha

    kabhi hun teri KHamoshi ke kaTte sahil par

    kabhi main lauTti aawaz ke bhanwar mein tha

    hamari aankh mein aa kar bana ek ashk wo rang

    jo barg-e-sabz ke andar na shaKH-e-tar mein tha

    koi bhi ghar mein samajhta na tha mere dukh sukh

    ek ajnabi ki tarah main KHud apne ghar mein tha

    abhi na barse the 'bani' ghire hue baadal

    main uDti KHak ki manind rahguzar mein tha

    RECITATIONS

    Nomaan Shauque

    Nomaan Shauque

    Nomaan Shauque

    na manzilen thin na kuchh dil mein tha na sar mein tha Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites