na mushk-bu hai na hai zafran ki KHushbu

na mushk-bū hai na hai za.afrān kī ḳhushbū

harīm-e-jāñ meñ hai ik mehrbān kī ḳhushbū

maiñ dekhtī hī nahīñ ḳhvāb ūñche mahloñ ke

mujhe pasand hai kachche makān kī ḳhushbū

isī zamīn meñ ik din panāh lenī hai

ki is zamīn meñ hai āsmān kī ḳhushbū

kahīñ bhī jā.ūñ mire saath saath rahtī hai

kisī kī yaad kisī ke dhyān kī ḳhushbū

mire gulāb se chehre pe kyā kahūñ kaise

bahār-e-nau hai mire ḳhāndān kī ḳhushbū

kisī se milne ke ba.ad aa gayā yaqīñ mujh ko

diloñ ko chhūtī hai mīThī zabān kī ḳhushbū

pukārā jab bhī kisī ne mujhe vafā kah kar

badal ga.ī hai yaqīñ meñ gumān kī ḳhushbū

na mushk-bu hai na hai zafran ki KHushbu

harim-e-jaan mein hai ek mehrban ki KHushbu

main dekhti hi nahin KHwab unche mahlon ke

mujhe pasand hai kachche makan ki KHushbu

isi zamin mein ek din panah leni hai

ki is zamin mein hai aasman ki KHushbu

kahin bhi jaun mere sath sath rahti hai

kisi ki yaad kisi ke dhyan ki KHushbu

mere gulab se chehre pe kya kahun kaise

bahaar-e-nau hai mere KHandan ki KHushbu

kisi se milne ke baad aa gaya yaqin mujh ko

dilon ko chhuti hai miThi zaban ki KHushbu

pukara jab bhi kisi ne mujhe wafa kah kar

badal gai hai yaqin mein guman ki KHushbu