na puchh mujhse tu kaise kahan se laDna hai

na pūchh mujh se tū kaise kahāñ se laḌnā hai

zamīñ pe rah ke mujhe āsmāñ se laḌnā hai

hamārī zid hai ki ham ko fulāñ se laḌnā hai

samajh meñ aatā nahīñ hai kahāñ se laḌnā hai

ye shahryār hī mere chaman kā dushman hai

isī liye to ġham-e-bostāñ se laḌnā hai

har ek raat isī fikr meñ guzartī hai

ki sub.h hote hī phir jism-o-jāñ se laḌnā hai

zabāñ ko teġh-o-tabar kis liye banāoge

ai bad-zabāñ tumheñ ik be-zabāñ se laḌnā hai

ye kah rahī haiñ havā.eñ ki rut bhī badlegī

chaman meñ saare guloñ ko ḳhizāñ se laḌnā hai

mire junūn ko 'armān' duniyā kuchh bhī kahe

javāb-e-vā.iz-chābuk-zabāñ se laḌnā hai

na puchh mujh se tu kaise kahan se laDna hai

zamin pe rah ke mujhe aasman se laDna hai

hamari zid hai ki hum ko fulan se laDna hai

samajh mein aata nahin hai kahan se laDna hai

ye shahryar hi mere chaman ka dushman hai

isi liye to gham-e-bostan se laDna hai

har ek raat isi fikr mein guzarti hai

ki subh hote hi phir jism-o-jaan se laDna hai

zaban ko tegh-o-tabar kis liye banaoge

ai bad-zaban tumhein ek be-zaban se laDna hai

ye kah rahi hain hawaen ki rut bhi badlegi

chaman mein sare gulon ko KHizan se laDna hai

mere junun ko 'arman' duniya kuchh bhi kahe

jawab-e-waiz-chabuk-zaban se laDna hai