na puchho mere dil se kya chahta hun

na pūchho mire dil se kyā chāhtā huuñ

tumhārī vafā bevafā chāhtā huuñ

dhaḌaktā hai dil aur jigar bhī hai muztar

tirā husn maiñ dekhnā chāhtā huuñ

maiñ dard-e-mohabbat ko dil meñ chhupā kar

pareshāñ huuñ is kī davā chāhtā huuñ

bahut zaḳhm gahrā huā jā rahā hai

nigāhoñ se terī shifā chāhtā huuñ

tahammul se bāhar hai ye dard merā

buzurgoñ kī ab maiñ duā chāhtā huuñ

jhalak to dikhā āḳhir ai vā-e-qismat

tirā jalva maiñ barmalā chāhtā huuñ

tire sāmne dil kī sab baat kah dī

baḌā be-adab huuñ sazā chāhtā huuñ

mire dil meñ jis kā bhī hai ishq 'ahqar'

usī par maiñ qurbāñ huā chāhtā huuñ

na puchho mere dil se kya chahta hun

tumhaari wafa bewafa chahta hun

dhaDakta hai dil aur jigar bhi hai muztar

tera husn main dekhna chahta hun

main dard-e-mohabbat ko dil mein chhupa kar

pareshan hun is ki dawa chahta hun

bahut zaKHm gahra hua ja raha hai

nigahon se teri shifa chahta hun

tahammul se bahar hai ye dard mera

buzurgon ki ab main dua chahta hun

jhalak to dikha aaKHir ai wa-e-qismat

tera jalwa main barmala chahta hun

tere samne dil ki sab baat kah di

baDa be-adab hun saza chahta hun

mere dil mein jis ka bhi hai ishq 'ahqar'

usi par main qurban hua chahta hun