na pure hue ba-KHuda bechte hain

na puure hue bā-ḳhudā bechte haiñ

yuuñ ḳhvāb-o-ḳhayāloñ ko jā bechte haiñ

nahīñ koī muḳhlis zamāne meñ varna

atā bechte the ridā bechte haiñ

tabīboñ kī saarī hai apnī kahānī

vafā bechte haiñ shifā bechte haiñ

chalo tum bhī ham se ye va.ada karo ab

qasam khā ke saarī anā bechte haiñ

ye ahl-e-zamāna kahāñ jānte haiñ

diloñ meñ sulagtī sadā bechte haiñ

hue haiñ vo ham se parā.e ki aise

lagā ke girā phir qabā bechte haiñ

sitam pe sitam vo kiye jā rahe haiñ

lagā ke vo zaḳhm ab davā bechte haiñ

nahīñ hotī un se koī baat bhī to

ye āñkhoñ ke andhe duā bechte haiñ

bhare māl-o-daulat se kamre haiñ ḳhālī

havas ke pujārī kalā bechte haiñ

mukammal ho terā funūn-e-safar ye

haañ sāġhar se kah do duā bechte haiñ

jo dekhā añdherā to rāhoñ meñ 'mariyam'

amāvas kī shab meñ ziyā bechte haiñ

na pure hue ba-KHuda bechte hain

yun KHwab-o-KHayalon ko ja bechte hain

nahin koi muKHlis zamane mein warna

ata bechte the rida bechte hain

tabibon ki sari hai apni kahani

wafa bechte hain shifa bechte hain

chalo tum bhi hum se ye wada karo ab

qasam kha ke sari ana bechte hain

ye ahl-e-zamana kahan jaante hain

dilon mein sulagti sada bechte hain

hue hain wo hum se parae ki aise

laga ke gira phir qaba bechte hain

sitam pe sitam wo kiye ja rahe hain

laga ke wo zaKHm ab dawa bechte hain

nahin hoti un se koi baat bhi to

ye aankhon ke andhe dua bechte hain

bhare mal-o-daulat se kamre hain KHali

hawas ke pujari kala bechte hain

mukammal ho tera funun-e-safar ye

han saghar se kah do dua bechte hain

jo dekha andhera to rahon mein 'mariyam'

amawas ki shab mein ziya bechte hain