na pyare upar upar mal har subh-o-masa chakhkho

na pyāre uupar uupar maal har sub.h-o-masā chakhkho

hamāre paas bhī ik raat to so kar mazā chakhkho

milā do dil ko apne dil se mere ek ho jaao

badan ko vasl kar do lazzat-e-mehr-o-vafā chakhkho

kabāb-e-laḳht-e-dil mere namak sūd-e-mohabbat haiñ

tumhāre vāste laayā huuñ siine par zarā chakhkho

rakho nok-e-zabāñ par bhar ke uñglī ḳhuun se mere

ye mīThā hai ki kaḌvā Tuk to is kā zā.iqa chakhkho

sahar ḳhurshīd laave gar tumhāre sāmne gurda

samajh kar 'mus.hafī' tum us ko apnā nāshta chakhkho

na pyare upar upar mal har subh-o-masa chakhkho

hamare pas bhi ek raat to so kar maza chakhkho

mila do dil ko apne dil se mere ek ho jao

badan ko wasl kar do lazzat-e-mehr-o-wafa chakhkho

kabab-e-laKHt-e-dil mere namak sud-e-mohabbat hain

tumhaare waste laya hun sine par zara chakhkho

rakho nok-e-zaban par bhar ke ungli KHun se mere

ye miTha hai ki kaDwa Tuk to is ka zaiqa chakhkho

sahar KHurshid lawe gar tumhaare samne gurda

samajh kar 'mushafi' tum us ko apna nashta chakhkho