na rah-rau hain ikaTTha na rah-dan paida

na rāh-rau haiñ ikaTThā na rāh-dāñ paidā

to kyā zamīn se ho jaa.e kārvāñ paidā

mashaqqatoñ se na ghabrā na zahmatoñ se kabhī

ki phuul hote haiñ kāñToñ ke darmiyāñ paidā

vo ḳhalq-o-amr ke mālik haiñ vo agar chāheñ

to ik ishāre se hote haiñ sau jahāñ paidā

zamīñ ko gardish-e-aflāk se najāt nahīñ

“ba-har zamīñ ki rasīdem āsmāñ paidā”

tumhīñ bahār ho mere liye ki hotā hai

tumhāre āriz-e-gul-gūñ se gulsitāñ paidā

batāo kaun hai jis kā jamāl-e-jāñ-parvar

ba-har-makāñ hai numūdār o har-zamāñ paidā

'urūj' tū na ho ġhamgīñ hujūm-e-a.adā se

isī hujūm se hote haiñ mehrbāñ paidā

na rah-rau hain ikaTTha na rah-dan paida

to kya zamin se ho jae karwan paida

mashaqqaton se na ghabra na zahmaton se kabhi

ki phul hote hain kanTon ke darmiyan paida

wo KHalq-o-amr ke malik hain wo agar chahen

to ek ishaare se hote hain sau jahan paida

zamin ko gardish-e-aflak se najat nahin

“ba-har zamin ki rasidem aasman paida”

tumhin bahaar ho mere liye ki hota hai

tumhaare aariz-e-gul-gun se gulsitan paida

batao kaun hai jis ka jamal-e-jaan-parwar

ba-har-makan hai numudar o har-zaman paida

'uruj' tu na ho ghamgin hujum-e-ada se

isi hujum se hote hain mehrban paida