na ramz mein kisi mani mein na sawal mein hai

na ramz meñ kisī mā'nī meñ na savāl meñ hai

ye merā khoyā huā dil tire ḳhayāl meñ hai

na ab sukūn mile nā ise qarār kahīñ

na ab ḳhamosh hai dil aur na 'arz-e-hāl meñ hai

tirī jabīñ pe jo ik baar jagmagāyā thā

vo ik sitāra mere lamha-e-visāl meñ hai

palaT ke tū ne jo dekhā to yuuñ lagā mujh ko

ki mere pyaar kā hāsil tire kamāl meñ hai

jo be-qarār thī kahne ko vo zabāñ guñg hai

na ziist rah ga.ī is meñ na ye malāl meñ hai

na ramz mein kisi ma'ni mein na sawal mein hai

ye mera khoya hua dil tere KHayal mein hai

na ab sukun mile na ise qarar kahin

na ab KHamosh hai dil aur na 'arz-e-haal mein hai

teri jabin pe jo ek bar jagmagaya tha

wo ek sitara mere lamha-e-visal mein hai

palaT ke tu ne jo dekha to yun laga mujh ko

ki mere pyar ka hasil tere kamal mein hai

jo be-qarar thi kahne ko wo zaban gung hai

na zist rah gai is mein na ye malal mein hai