na sail-e-rang na sayyara mahtab mera

na sail-e-rañg na sayyāra māhtāb mirā

hai mere siine meñ añgāra māhtāb mirā

chhaTī ufuq kī siyah-gard to dikhā.ī diyā

payām-e-vasl kā harkāra māhtāb mirā

ḳhalā meñ muztarib-o-be-qayām merī tarah

ye mere dasht kā banjāra māhtāb mirā

ḳhunuk havāoñ kā maskan bisāt-e-ḳhāk mirī

lahū kī aañch kā gahvāra māhtāb mirā

chihār samt mare āb-zār aur is meñ

ġhurūb hotā huā taarā māhtāb mirā

ḳhud apne nuur se kartā hai iktisāb-e-jamāl

vo ek shola-e-āvārā māhtāb mirā

tamām raat muḳhātib rahā mare dil se

vahī sukūt kā favvārā māhtāb mirā

zamīñ pe dhuum mire zaḳhm-e-nā-shagufta kī

falak pe hāsil-e-nazzārā māhtāb mirā

maiñ justujū meñ usī kūza-gar kī huuñ 'ishrat'

hai jis ke chaak kā fan-pāra māhtāb mirā

na sail-e-rang na sayyara mahtab mera

hai mere sine mein angara mahtab mera

chhaTi ufuq ki siyah-gard to dikhai diya

payam-e-wasl ka harkara mahtab mera

KHala mein muztarib-o-be-qayam meri tarah

ye mere dasht ka banjara mahtab mera

KHunuk hawaon ka maskan bisat-e-KHak meri

lahu ki aanch ka gahwara mahtab mera

chihaar samt mare aab-zar aur is mein

ghurub hota hua tara mahtab mera

KHud apne nur se karta hai iktisab-e-jamal

wo ek shola-e-awara mahtab mera

tamam raat muKHatib raha mare dil se

wahi sukut ka fawwara mahtab mera

zamin pe dhum mere zaKHm-e-na-shagufta ki

falak pe hasil-e-nazzara mahtab mera

main justuju mein usi kuza-gar ki hun 'ishrat'

hai jis ke chaak ka fan-para mahtab mera