na samjhe koi us se dushmani hai

na samjhe koī us se dushmanī hai

mirī ik kam-suḳhan se dostī hai

sabhī ke kaam aa.e ibn-e-ādam

yahī dar-asl husn-e-zindagī hai

jise paḌhnā ho is meñ paḌh le sab kuchh

khulī merī kitāb-e-zindagī hai

mire kis kaam kā aisā samundar

lab-e-sāhil bhī jis ke tishnagī hai

ho rūdād-e-zamāna kī jo maz.har

vahī dar-asl rūh-e-shā.erī hai

mire dil par hai jis kī hukmrānī

abhī us meñ adā-e-kam-sinī hai

hai jis kā aaj girvīda zamāna

jahān-e-rañg-o-bū ye 'ārzī hai

ajam kī tarah hai gūñgā 'arab bhī

ye us kī maslahat yā be-hisī hai

nahīñ fursat tan-āsānī se us ko

alam-añgez ye ādam-kushī hai

bapā hai hashr se pahle hī mahshar

kahīñ duḳhtar kahīñ mādar paḌī hai

koī shatranj-bāzī meñ hai mashġhūl

kisī kī jaan par apnī banī hai

duā-e-ahl-e-ġhazza sun le yārab

musībat kī ye ik aisī ghaḌī hai

unheñ hai sirf terā hī sahārā

jahāñ bhaa.ī se bhaa.ī ajnabī hai

agar is meñ ho 'barqī' ādmiyyat

farishtoñ se bhī afzal aadmī hai

na samjhe koi us se dushmani hai

meri ek kam-suKHan se dosti hai

sabhi ke kaam aae ibn-e-adam

yahi dar-asl husn-e-zindagi hai

jise paDhna ho is mein paDh le sab kuchh

khuli meri kitab-e-zindagi hai

mere kis kaam ka aisa samundar

lab-e-sahil bhi jis ke tishnagi hai

ho rudad-e-zamana ki jo mazhar

wahi dar-asl ruh-e-shaeri hai

mere dil par hai jis ki hukmrani

abhi us mein ada-e-kam-sini hai

hai jis ka aaj girwida zamana

jahan-e-rang-o-bu ye 'arzi hai

ajam ki tarah hai gunga 'arab bhi

ye us ki maslahat ya be-hisi hai

nahin fursat tan-asani se us ko

alam-angez ye aadam-kushi hai

bapa hai hashr se pahle hi mahshar

kahin duKHtar kahin madar paDi hai

koi shatranj-bazi mein hai mashghul

kisi ki jaan par apni bani hai

dua-e-ahl-e-ghazza sun le yarab

musibat ki ye ek aisi ghaDi hai

unhen hai sirf tera hi sahaara

jahan bhai se bhai ajnabi hai

agar is mein ho 'barqi' aadmiyyat

farishton se bhi afzal aadmi hai