na shikwa lab tak aaega na nala dil se niklega

na shikva lab tak aa.egā na naala dil se niklegā

mire zabt-e-mohabbat kā bharam mushkil se niklegā

na hasrat dil se niklegī na armāñ dil se niklegā

jo is phande meñ phañs jā.egā vo mushkil se niklegā

ḳhudā rakkhe ye pās-e-vaz.a meñ tum se bhī baḌh kar hai

tumhīñ aa kar nikāloge to armāñ dil se niklegā

bahut ro.egī duniyā us bashar kī bad-nasībī par

jo dāġh-e-ārzū le kar tirī mahfil se niklegā

na khīñch ai mehrbāñ siine se mere tiir rahne de

nikal jā.egā dam merā jo paikāñ dil se niklegā

ye maujoñ ke nahīñ ai nā-ḳhudā taqdīr ke bal haiñ

safīna ġharq ho kar dāman-e-sāhil se niklegā

jo dam nikle to merī mushkileñ āsān ho jaa.eñ

magar ye bhī to mushkil hai ki dam mushkil se niklegā

'nasīm' achchhī ġhazal par daad deñge ahl-e-dil dil se

utar jā.egā dil meñ sher jo bhī dil se niklegā

na shikwa lab tak aaega na nala dil se niklega

mere zabt-e-mohabbat ka bharam mushkil se niklega

na hasrat dil se niklegi na arman dil se niklega

jo is phande mein phans jaega wo mushkil se niklega

KHuda rakkhe ye pas-e-waza mein tum se bhi baDh kar hai

tumhin aa kar nikaloge to arman dil se niklega

bahut roegi duniya us bashar ki bad-nasibi par

jo dagh-e-arzu le kar teri mahfil se niklega

na khinch ai mehrban sine se mere tir rahne de

nikal jaega dam mera jo paikan dil se niklega

ye maujon ke nahin ai na-KHuda taqdir ke bal hain

safina gharq ho kar daman-e-sahil se niklega

jo dam nikle to meri mushkilen aasan ho jaen

magar ye bhi to mushkil hai ki dam mushkil se niklega

'nasim' achchhi ghazal par dad denge ahl-e-dil dil se

utar jaega dil mein sher jo bhi dil se niklega