na suno mere nale hain dard-bhare dar-o-asare aah-e-sahare

na suno mere naale haiñ dard-bhare dār-o-asare āh-e-sahare

tumheñ kyā jo koī martā hai mire ai dushman-e-jāñ be-dād-gare

tirī surmagīñ āñkhoñ ke sadqe inheñ chheḌ na panja-e-mizhgāñ se

abhī zaḳhm-e-jigar haiñ tamām hare ai mahv-e-taġhāful be-ḳhabare

liyā ishq meñ jog bhikārī bane tire naqsh-e-qadam ke pujārī bane

kabhī sajde kiye kabhī gird phire but sīm-bare zarrīñ-kamre

jo tū ne hazāroñ va.ade kiye lekin vo kabhī iifā na hue

dil hī haiñ rahe armān mire ai va.ada-shikan but hīla-gire

'bedam' kaheñ kyā kis tarah rahe mar mar ke jiye jī jī ke mare

dar-manzil-e-ishqash dar-badare majnūn-e-shorīda-sare

na suno mere nale hain dard-bhare dar-o-asare aah-e-sahare

tumhein kya jo koi marta hai mere ai dushman-e-jaan be-dad-gare

teri surmagin aankhon ke sadqe inhen chheD na panja-e-mizhgan se

abhi zaKHm-e-jigar hain tamam hare ai mahw-e-taghaful be-KHabare

liya ishq mein jog bhikari bane tere naqsh-e-qadam ke pujari bane

kabhi sajde kiye kabhi gird phire but sim-bare zarrin-kamre

jo tu ne hazaron wade kiye lekin wo kabhi ifa na hue

dil hi hain rahe arman mere ai wada-shikan but hila-gire

'bedam' kahen kya kis tarah rahe mar mar ke jiye ji ji ke mare

dar-manzil-e-ishqash dar-badare majnun-e-shorida-sare