na taKHt-o-taj mein ne lashkar-o-sipah mein hai
Interesting Fact
Baal-e-Gibril
na taḳht-o-tāj meñ ne lashkar-o-sipāh meñ hai
jo baat mard-e-qalandar kī bārgāh meñ hai
sanam-kada hai jahāñ aur mard-e-haq hai ḳhalīl
ye nukta vo hai ki poshīda lā-ilāh meñ hai
vahī jahāñ hai tirā jis ko tū kare paidā
ye sañg-o-ḳhisht nahīñ jo tirī nigāh meñ hai
mah o sitāra se aage maqām hai jis kā
vo musht-e-ḳhāk abhī āvārgān-e-rāh meñ hai
ḳhabar milī hai ḳhudāyān-e-bahr-o-bar se mujhe
farañg rahguzar-e-sail-e-be-panāh meñ hai
talāsh us kī fazāoñ meñ kar nasīb apnā
jahān-e-tāza mirī āh-e-sub.h-gāh meñ hai
mire kadū ko ġhanīmat samajh ki bāda-e-nāb
na madrase meñ hai baaqī na ḳhānqāh meñ hai
na taKHt-o-taj mein ne lashkar-o-sipah mein hai
jo baat mard-e-qalandar ki bargah mein hai
sanam-kada hai jahan aur mard-e-haq hai KHalil
ye nukta wo hai ki poshida la-ilah mein hai
wahi jahan hai tera jis ko tu kare paida
ye sang-o-KHisht nahin jo teri nigah mein hai
mah o sitara se aage maqam hai jis ka
wo musht-e-KHak abhi aawargan-e-rah mein hai
KHabar mili hai KHudayan-e-bahr-o-bar se mujhe
farang rahguzar-e-sail-e-be-panah mein hai
talash us ki fazaon mein kar nasib apna
jahan-e-taza meri aah-e-subh-gah mein hai
mere kadu ko ghanimat samajh ki baada-e-nab
na madrase mein hai baqi na KHanqah mein hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
