na tarz-e-dost na rang-e-adu se milta hai

na tarz-e-dost na rang-e-adū se miltā hai

vo bāñkpan jo tirī guftugū se miltā hai

maiñ kyā batā.ūñ ye kis ḳhūb-rū se miltā hai

jab āftāb lab-e-ābjū se miltā hai

hamāre zaḳhm hare hoñ to muskurāte haiñ

hameñ sukūn bhalā kab rafū se miltā hai

hamārī tarah ye hai kushta-e-sitam ki 'naved'

hinā kā rang hamāre lahū se miltā hai

na tarz-e-dost na rang-e-adu se milta hai

wo bankpan jo teri guftugu se milta hai

main kya bataun ye kis KHub-ru se milta hai

jab aaftab lab-e-abju se milta hai

hamare zaKHm hare hon to muskuraate hain

hamein sukun bhala kab rafu se milta hai

hamari tarah ye hai kushta-e-sitam ki 'nawed'

hina ka rang hamare lahu se milta hai