na tera qurb na baada hai kya kiya jae

na terā qurb na baada hai kyā kiyā jaa.e

phir aaj dukh bhī ziyāda hai kyā kiyā jaa.e

hameñ bhī arz-e-tamannā kā Dhab nahīñ aatā

mizāj-e-yār bhī saada hai kyā kiyā jaa.e

kuchh apne dost bhī tarkash-ba-dosh phirte haiñ

kuchh apnā dil bhī kushāda hai kyā kiyā jaa.e

vo mehrbāñ hai magar dil kī hirs bhī kam ho

talab karam se ziyāda hai kyā kiyā jaa.e

na us se tark-e-ta.alluq kī baat kar paa.eñ

na hamdamī kā irāda hai kyā kiyā jaa.e

sulūk-e-yār se dil Dūbne lagā hai 'farāz'

magar ye mahfil-e-ādā hai kyā kiyā jaa.e

na tera qurb na baada hai kya kiya jae

phir aaj dukh bhi ziyaada hai kya kiya jae

hamein bhi arz-e-tamanna ka Dhab nahin aata

mizaj-e-yar bhi sada hai kya kiya jae

kuchh apne dost bhi tarkash-ba-dosh phirte hain

kuchh apna dil bhi kushada hai kya kiya jae

wo mehrban hai magar dil ki hirs bhi kam ho

talab karam se ziyaada hai kya kiya jae

na us se tark-e-talluq ki baat kar paen

na hamdami ka irada hai kya kiya jae

suluk-e-yar se dil Dubne laga hai 'faraaz'

magar ye mahfil-e-ada hai kya kiya jae