na un ka tarz na mera shiar KHatm hua

na un kā tarz na merā shi.ār ḳhatm huā

na aa.e vo na mirā intizār ḳhatm huā

hai tishnagī ko abhī jū-e-bār kī ummīd

agarche silsila-e-kohsār ḳhatm huā

ab āshkār huī hai haqīqat-e-duniyā

ḳhud apne aap pe jab iḳhtiyār ḳhatm huā

na thā bharosa to rakhte hī kaise ummīdeñ

sulūk-e-vaqt se har e.atibār ḳhatm huā

har ek shakl nazar aa rahī hai ā.īna

tilism-e-ishq kā gard-o-ġhubār ḳhatm huā

na un ka tarz na mera shiar KHatm hua

na aae wo na mera intizar KHatm hua

hai tishnagi ko abhi ju-e-bar ki ummid

agarche silsila-e-kohsar KHatm hua

ab aashkar hui hai haqiqat-e-duniya

KHud apne aap pe jab iKHtiyar KHatm hua

na tha bharosa to rakhte hi kaise ummiden

suluk-e-waqt se har eatibar KHatm hua

har ek shakl nazar aa rahi hai aaina

tilism-e-ishq ka gard-o-ghubar KHatm hua