na wo dil-dada-e-lutf-o-karam hai

na vo dil-dāda-e-lutf-o-karam hai

na us meñ ḳhvāhish-e-jāh-o-hasham hai

mo.attal ho gayā hai ik farīza

muqaffal chand haftoñ se haram hai

piyāla zahr kā hai zindagī ye

magar lagtā hai jaise jām-e-jam hai

bahut lagtā hai ik chhoTā sā ġham bhī

ḳhushī jitnī mile utnī hī kam hai

maiñ kaise duur kar duuñ us ko ḳhud se

ye saayā hī to merā ham-qadam hai

jo ḳhud muhtāj hai kyā us se māñgūñ

na hogā rab jo patthar kā sanam hai

nikālo is ko apne dil se 'anjum'

ki ye armān hī bābā-e-ġham hai

na wo dil-dada-e-lutf-o-karam hai

na us mein KHwahish-e-jah-o-hasham hai

moattal ho gaya hai ek fariza

muqaffal chand hafton se haram hai

piyala zahr ka hai zindagi ye

magar lagta hai jaise jam-e-jam hai

bahut lagta hai ek chhoTa sa gham bhi

KHushi jitni mile utni hi kam hai

main kaise dur kar dun us ko KHud se

ye saya hi to mera ham-qadam hai

jo KHud muhtaj hai kya us se mangun

na hoga rab jo patthar ka sanam hai

nikalo is ko apne dil se 'anjum'

ki ye arman hi baba-e-gham hai