na zikr gul ka kahin hai na mahtab ka hai
na zikr gul kā kahīñ hai na māhtāb kā hai
tamām shahr meñ charchā tire shabāb kā hai
sharāb apnī jagah chāñdnī hai apnī jagah
magar javāb hī kyā husn-e-be-naqāb kā hai
hue haiñ nā-gahāñ bismil sharīk-e-bazm jo sab
qusūr kuchh hai tirā kuchh tire naqāb kā hai
na tū ne mai chakhī zāhid na jurm-e-ishq kiyā
to sub.h o shaam tujhe fikr kis azaab kā hai
mai-e-tuhūr kā is vaqt le na naam ai shaiḳh
ye vaqt-e-shām to angūr kī sharāb kā hai
'sadā' ke paas hai duniyā kā tajraba vaa.iz
tumhārī baat meñ bas falsafa kitāb kā hai
na zikr gul ka kahin hai na mahtab ka hai
tamam shahr mein charcha tere shabab ka hai
sharab apni jagah chandni hai apni jagah
magar jawab hi kya husn-e-be-naqab ka hai
hue hain na-gahan bismil sharik-e-bazm jo sab
qusur kuchh hai tera kuchh tere naqab ka hai
na tu ne mai chakhi zahid na jurm-e-ishq kiya
to subh o sham tujhe fikr kis azab ka hai
mai-e-tuhur ka is waqt le na nam ai shaiKH
ye waqt-e-sham to angur ki sharab ka hai
'sada' ke pas hai duniya ka tajraba waiz
tumhaari baat mein bas falsafa kitab ka hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
