na-tawan ek hum rah gae

nā-tavāñ ek ham rah ga.e

aur ye ranj-o-ġham rah ga.e

tum to ruḳhsat hue bazm se

ġham uThāne ko ham rah ga.e

tum to hañste hue chal diye

ham liye chashm-e-nam rah ga.e

ādamiyyoñ kī bohtāt hai

aah insān kam rah ga.e

ġham-gusār uTh ga.e bazm se

nāseh-e-mohtaram rah ga.e

pī ke jām-e-ajal vo ga.e

tishna-lab ek ham rah ga.e

ġham hameñ itne 'āqib' mile

ban ke tasvīr-e-ġham rah ga.e

na-tawan ek hum rah gae

aur ye ranj-o-gham rah gae

tum to ruKHsat hue bazm se

gham uThane ko hum rah gae

tum to hanste hue chal diye

hum liye chashm-e-nam rah gae

aadamiyyon ki bohtat hai

aah insan kam rah gae

gham-gusar uTh gae bazm se

naseh-e-mohtaram rah gae

pi ke jam-e-ajal wo gae

tishna-lab ek hum rah gae

gham hamein itne 'aqib' mile

ban ke taswir-e-gham rah gae