na-tawan wo hun ki dam bhar nahin baiTha jata

nā-tavāñ vo huuñ ki dam bhar nahīñ baiThā jaatā

vo bulāte to abhī uTh ke maiñ dauḌā jaatā

but-kade meñ bhī gayā ka.aba kī jānib bhī gayā

ab kahāñ DhūñDhne tujh ko tirā shaidā jaatā

kyuuñ jī kyuuñ ġhair kī bātoñ kā to dete ho javāb

ham jo kuchh pūchheñ to muñh se nahīñ phūTā jaatā

yak-ba-yak tark na karnā thā mohabbat mujh se

ḳhair jis tarah se aatā thā vo aatā jaatā

kah ke ye Tal ga.e bālīñ se ayādat ko jo aa.e

ab tirā hāl-e-pareshāñ nahīñ dekhā jaatā

ḳhvāhish-e-dasht-navardī kabhī hotī na mujhe

bevafā tū mire ghar par kabhī aatā jaatā

ḳhaak phūlūñ-phalūñ is gulshan-e-vīrāñ meñ'' 'haqīr'

bāġh-e-hastī se ḳhizāñ kā nahīñ khaTkā jaatā

na-tawan wo hun ki dam bhar nahin baiTha jata

wo bulate to abhi uTh ke main dauDa jata

but-kade mein bhi gaya kaba ki jaanib bhi gaya

ab kahan DhunDhne tujh ko tera shaida jata

kyun ji kyun ghair ki baaton ka to dete ho jawab

hum jo kuchh puchhen to munh se nahin phuTa jata

yak-ba-yak tark na karna tha mohabbat mujh se

KHair jis tarah se aata tha wo aata jata

kah ke ye Tal gae baalin se ayaadat ko jo aae

ab tera haal-e-pareshan nahin dekha jata

KHwahish-e-dasht-nawardi kabhi hoti na mujhe

bewafa tu mere ghar par kabhi aata jata

KHak phulun-phalun is gulshan-e-viran mein 'haqir'

bagh-e-hasti se KHizan ka nahin khaTka jata