nahaq shikayat-e-gham-e-duniya kare koi

nāhaq shikāyat-e-ġham-e-duniyā kare koī

ġham hai baḌī ḳhushī jo gavārā kare koī

rag rag meñ dil kī jazb hai mahshar-e-umīd

andāza-e-hujūm-e-tamanna kare koī

hai un ke āstāñ pe hujūm-e-ġhurūr-o-nāz

gunjā.ish-e-jabīñ ho to sajda kare koī

yūsuf ġhayūr fitrat-e-yūsuf ġhayūr-e-tar

kyā e'tibār-e-ḳhvāb-e-zuleḳhā kare koī

har shaḳhs hai ḳharāb-e-tamannā ba-qadr-e-zauq

'sīmāb' kis se arz-e-tamannā kare koī

nahaq shikayat-e-gham-e-duniya kare koi

gham hai baDi KHushi jo gawara kare koi

rag rag mein dil ki jazb hai mahshar-e-umid

andaza-e-hujum-e-tamanna kare koi

hai un ke aastan pe hujum-e-ghurur-o-naz

gunjaish-e-jabin ho to sajda kare koi

yusuf ghayur fitrat-e-yusuf ghayur-e-tar

kya e'tibar-e-KHwab-e-zuleKHa kare koi

har shaKHs hai KHarab-e-tamanna ba-qadr-e-zauq

'simab' kis se arz-e-tamanna kare koi