naKHuda bhi nahin KHuda bhi nahin
nāḳhudā bhī nahīñ ḳhudā bhī nahīñ
koī merā tire sivā bhī nahīñ
mudda.ā ġhair mudda.ā bhī nahīñ
aur hasrat kā pūchhnā bhī nahīñ
kāhish-e-ġham harīf-e-jāñ hī sahī
ġham na ho to yahāñ mazā bhī nahīñ
shīsha-e-dil to chor hai lekin
aasrā hai ki TūTtā bhī nahīñ
husn kā aks hai hijāb-e-nazar
phir junūñ ko to sūjhtā bhī nahīñ
bazm se un kī uTh gayā ḳhud maiñ
koī pursān-e-hāl thā bhī nahīñ
ishq meñ paḌ ke luT gayā 'rāzī'
un ko ġham hai ki kuchh huā bhī nahīñ
naKHuda bhi nahin KHuda bhi nahin
koi mera tere siwa bhi nahin
muddaa ghair muddaa bhi nahin
aur hasrat ka puchhna bhi nahin
kahish-e-gham harif-e-jaan hi sahi
gham na ho to yahan maza bhi nahin
shisha-e-dil to chor hai lekin
aasra hai ki TuTta bhi nahin
husn ka aks hai hijab-e-nazar
phir junun ko to sujhta bhi nahin
bazm se un ki uTh gaya KHud main
koi pursan-e-haal tha bhi nahin
ishq mein paD ke luT gaya 'raazi'
un ko gham hai ki kuchh hua bhi nahin
- Book : Darya Darya aarzoo (Pg. 47)
- Author : Khalil Razi
- Publication : Sohail Akhtar (2014)
- Edition : 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
