nam likha liya to phir karte ho hae hae kyon

naam likhā liyā to phir karte ho haa.e haa.e kyoñ

paḌhnā na thā tumheñ agar darje meñ paḌhne aa.e kyoñ

kyūñkar ham imtihān deñ so.eñge jā ke baaġh meñ

paḌhne ko aadhī raat tak koī hameñ jagā.e kyoñ

baiThe haiñ apnī seat par kaise bhagā.eñ master

aa.e haiñ de ke fees ham koī hameñ bhagā.e kyoñ

chīḳheñge ḳhuub ham yahāñ chāhe ḳhafā hoñ mehmāñ

nafrat ho jis ko shor se ghar meñ hamāre aa.e kyoñ

koī paḌosī tang ho chāhe kisī se jang ho

ghar hai ye apne baap kā koī hameñ chupā.e kyoñ

kaanā ḳhudā ne kar diyā is meñ hai apnī kyā ḳhatā

gaalī bakeñge ḳhuub ham koī hameñ chiḌā.e kyoñ

dekho to peT ban gayā āḳhir ġhubāra gas kā

khāte ho itnā gosht kyoñ piite ho itnī chaa.e kyoñ

sāthī hoñ yā asātiza aa.e kisī ko kyā maza

darje meñ koī be-mahal 'kaif' kī ġhazleñ gaa.e kyoñ

nam likha liya to phir karte ho hae hae kyon

paDhna na tha tumhein agar darje mein paDhne aae kyon

kyunkar hum imtihan den soenge ja ke bagh mein

paDhne ko aadhi raat tak koi hamein jagae kyon

baiThe hain apni seat par kaise bhagaen master

aae hain de ke fees hum koi hamein bhagae kyon

chiKHenge KHub hum yahan chahe KHafa hon mehman

nafrat ho jis ko shor se ghar mein hamare aae kyon

koi paDosi tang ho chahe kisi se jang ho

ghar hai ye apne bap ka koi hamein chupae kyon

kana KHuda ne kar diya is mein hai apni kya KHata

gali bakenge KHub hum koi hamein chiDae kyon

dekho to peT ban gaya aaKHir ghubara gas ka

khate ho itna gosht kyon pite ho itni chae kyon

sathi hon ya asatiza aae kisi ko kya maza

darje mein koi be-mahal 'kaif' ki ghazlen gae kyon