nara-e-takbir bhi zahid nisar-e-naghma hai

nāra-e-takbīr bhī zāhid nisār-e-naġhma hai

kis qadar allāhu-akbar e'tibār-e-naġhma hai

kyā surīlī thī sadā-e-harf-e-kun roz-e-azal

ab tak rag rag hamārī be-qarār-e-naġhma hai

andalīb-e-ḳhush-navā par aañkh hai sayyād kī

nargis-e-shahlā sarāpā intizār-e-naġhma hai

tafraqa ho is tarah to kyā jame ishrat kā rañg

dil za.īf-o-nātavāñ lab zer-e-bār-e-naġhma hai

sher do haiñ hazrat-e-ġhālib ke dīvāñ meñ 'azīz'

ye ġhazal merī usī mai kā ḳhumār-e-naġhma hai

nara-e-takbir bhi zahid nisar-e-naghma hai

kis qadar allahu-akbar e'tibar-e-naghma hai

kya surili thi sada-e-harf-e-kun roz-e-azal

ab tak rag rag hamari be-qarar-e-naghma hai

andalib-e-KHush-nawa par aankh hai sayyaad ki

nargis-e-shahla sarapa intizar-e-naghma hai

tafraqa ho is tarah to kya jame ishrat ka rang

dil zaif-o-natawan lab zer-e-bar-e-naghma hai

sher do hain hazrat-e-ghaalib ke diwan mein 'aziz'

ye ghazal meri usi mai ka KHumar-e-naghma hai