naz-e-beganagi mein kya kuchh tha
nāz-e-begānagī meñ kyā kuchh thā
husn kī sādgī meñ kyā kuchh thā
laakh rāheñ thiiñ laakh jalve the
ahd-e-āvārgī meñ kyā kuchh thā
aañkh khulte hī chhup ga.ī har shai
ālam-e-be-ḳhudī meñ kyā kuchh thā
yaad haiñ marhale mohabbat ke
haa.e is bekalī meñ kyā kuchh thā
kitne biite dinoñ kī yaad aa.ī
aaj terī kamī meñ kyā kuchh thā
kitne mānūs log yaad aa.e
sub.h kī chāñdnī meñ kyā kuchh thā
rāt-bhar ham na so sake 'nāsir'
parda-e-ḳhāmushī meñ kyā kuchh thā
naz-e-beganagi mein kya kuchh tha
husn ki sadgi mein kya kuchh tha
lakh rahen thin lakh jalwe the
ahd-e-awargi mein kya kuchh tha
aankh khulte hi chhup gai har shai
aalam-e-be-KHudi mein kya kuchh tha
yaad hain marhale mohabbat ke
hae is bekali mein kya kuchh tha
kitne bite dinon ki yaad aai
aaj teri kami mein kya kuchh tha
kitne manus log yaad aae
subh ki chandni mein kya kuchh tha
raat-bhar hum na so sake 'nasir'
parda-e-KHamushi mein kya kuchh tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
