nazish-e-gul hua kare koi

nāzish-e-gul huā kare koī

dil se kāñTā judā kare koī

bahte haiñ baat baat par aañsū

aisī āñkhoñ ko kyā kare koī

jab kisī baat meñ asar hī nahīñ

kyā davā kyā duā kare koī

kaun hai vo jo dard-mañd nahīñ

kis kī kis kī davā kare koī

jab kaleje meñ tiir ho paivast

na karāhe to kyā kare koī

zabt kī had hai maut tak lekin

phir sitam ho to kyā kare koī

kuchh nahīñ jis meñ dard-e-dil kā ilaaj

aisī duniyā kā kyā kare koī

aa chalā lutf-e-zindagī ham ko

dard ab to sivā kare koī

maut hai imtihān-e-shauq 'jigar'

varna kyūñkar vafā kare koī

nazish-e-gul hua kare koi

dil se kanTa juda kare koi

bahte hain baat baat par aansu

aisi aankhon ko kya kare koi

jab kisi baat mein asar hi nahin

kya dawa kya dua kare koi

kaun hai wo jo dard-mand nahin

kis ki kis ki dawa kare koi

jab kaleje mein tir ho paiwast

na karahe to kya kare koi

zabt ki had hai maut tak lekin

phir sitam ho to kya kare koi

kuchh nahin jis mein dard-e-dil ka ilaj

aisi duniya ka kya kare koi

aa chala lutf-e-zindagi hum ko

dard ab to siwa kare koi

maut hai imtihan-e-shauq 'jigar'

warna kyunkar wafa kare koi