nadi ke par ujala dikhai deta hai
nadī ke paar ujālā dikhā.ī detā hai
mujhe ye ḳhvāb hamesha dikhā.ī detā hai
baras rahī haiñ aqīdat kī badliyāñ lekin
shu.ūr aaj pyāsā dikhā.ī detā hai
charāġh-e-manzil-e-fardā jalā.egā ik roz
vo rāhgīr jo tanhā dikhā.ī detā hai
tirī nigāh ne halkā sā naqsh chhoḌā thā
magar ye zaḳhm to gahrā dikhā.ī detā hai
kisī ḳhayāl kī mish.al kisī sadā kā charāġh
har ek samt añdherā dikhā.ī detā hai
'amīr' pūchh rahā huuñ ġham-e-zamāna se
hamāre ghar meñ tujhe kyā dikhā.ī detā hai
nadi ke par ujala dikhai deta hai
mujhe ye KHwab hamesha dikhai deta hai
baras rahi hain aqidat ki badliyan lekin
shuur aaj pyasa dikhai deta hai
charagh-e-manzil-e-farda jalaega ek roz
wo rahgir jo tanha dikhai deta hai
teri nigah ne halka sa naqsh chhoDa tha
magar ye zaKHm to gahra dikhai deta hai
kisi KHayal ki mishal kisi sada ka charagh
har ek samt andhera dikhai deta hai
'amir' puchh raha hun gham-e-zamana se
hamare ghar mein tujhe kya dikhai deta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
