nadi ne dhup se kya kah diya rawani mein
nadī ne dhuup se kyā kah diyā ravānī meñ
ujāle paañv paTakne lage haiñ paanī meñ
ye koī aur hī kirdār hai tumhārī tarah
tumhārā zikr nahīñ hai mirī kahānī meñ
ab itnī saarī shaboñ kā hisāb kaun rakhe
baḌe savāb kamā.e ga.e javānī meñ
chamaktā rahtā hai sūraj-mukhī meñ koī aur
mahak rahā hai koī aur rāt-rānī meñ
ye mauj mauj na.ī halchaleñ sī kaisī haiñ
ye kis ne paañv utāre udaas paanī meñ
maiñ sochtā huuñ koī aur kārobār karūñ
kitāb kaun ḳharīdegā is girānī meñ
nadi ne dhup se kya kah diya rawani mein
ujale panw paTakne lage hain pani mein
ye koi aur hi kirdar hai tumhaari tarah
tumhaara zikr nahin hai meri kahani mein
ab itni sari shabon ka hisab kaun rakhe
baDe sawab kamae gae jawani mein
chamakta rahta hai suraj-mukhi mein koi aur
mahak raha hai koi aur raat-rani mein
ye mauj mauj nai halchalen si kaisi hain
ye kis ne panw utare udas pani mein
main sochta hun koi aur karobar karun
kitab kaun KHaridega is girani mein
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
