nafi ko yun isbaat karo

nafi ko yuuñ isbāt karo

ḳhatm tum apnī zaat karo

duniyā se jab milne jaao

pahle ḳhud se baat karo

din bhar mere saath rahe

ḳhud meñ basar ab raat karo

raat kī zulf sañvar jaa.e

hijr ko gar mashshāt karo

naam mirā dil par likhvāo

dhaḌkan ko ḳhattāt karo

mujh par aise pyaar luTāo

sāgar par barsāt karo

baat hai mere baare meñ

lahje ko mohtāt karo

jab bhī suḳhan-e-bisāt bichhe

har shātir ko maat karo

umr kī pūñjī ḳhatm na ho

kam kuchh iḳhrājāt karo

ain kā amrit chakhne ko

tark sabhī lazzāt karo

nafi ko yun isbaat karo

KHatm tum apni zat karo

duniya se jab milne jao

pahle KHud se baat karo

din bhar mere sath rahe

KHud mein basar ab raat karo

raat ki zulf sanwar jae

hijr ko gar mashshat karo

nam mera dil par likhwao

dhaDkan ko KHattat karo

mujh par aise pyar luTao

sagar par barsat karo

baat hai mere bare mein

lahje ko mohtat karo

jab bhi suKHan-e-bisat bichhe

har shatir ko mat karo

umr ki punji KHatm na ho

kam kuchh iKHrajat karo

ain ka amrit chakhne ko

tark sabhi lazzat karo