naghma aisa bhi mere sina-e-sad-chaak mein hai

naġhma aisā bhī mire sīna-e-sad-chāk meñ hai

ḳhauf se hashr bapā gumbad-e-aflāk meñ hai

ai junūñ chal ḳham-e-gesū kī taraf dil to abhī

ālam-e-ḳhvāb meñ ādāb ke pechāk meñ hai

vo qafas ho ki nasheman ki panah-gāh nahīñ

tā.iro naġhmagaro barq-e-balā taak meñ hai

tere ḳhush-posh faqīroñ se vo milte to sahī

jo ye kahte haiñ vafā pairhan-e-chāk meñ hai

ye tasavvur hai abhī arsh abhī farsh pe thā

rañg-o-nairañg usī tausan-e-chālāk meñ hai

kyā bane sūrat-e-iz.hār-e-ma.anī ki ḳhayāl

abhī uljhā huā alfāz ke pechāk meñ hai

dar-e-iḳhlās kī dahlīz pe ḳham huuñ 'ābid'

ek jiine kā salīqa dil-e-be-bāk meñ hai

naghma aisa bhi mere sina-e-sad-chaak mein hai

KHauf se hashr bapa gumbad-e-aflak mein hai

ai junun chal KHam-e-gesu ki taraf dil to abhi

aalam-e-KHwab mein aadab ke pechaak mein hai

wo qafas ho ki nasheman ki panah-gah nahin

tairo naghmagaro barq-e-bala tak mein hai

tere KHush-posh faqiron se wo milte to sahi

jo ye kahte hain wafa pairhan-e-chaak mein hai

ye tasawwur hai abhi arsh abhi farsh pe tha

rang-o-nairang usi tausan-e-chaalak mein hai

kya bane surat-e-izhaar-e-mani ki KHayal

abhi uljha hua alfaz ke pechaak mein hai

dar-e-iKHlas ki dahliz pe KHam hun 'abid'

ek jine ka saliqa dil-e-be-bak mein hai