naghma-zan hai nazar-e-be-awaz

naġhma-zan hai nazar-e-be-āvāz

kyuuñ mire dil asar-e-be-āvāz

mere dil se unheñ apne dil kī

mil rahī hai ḳhabar-e-be-āvāz

laakh kirnoñ kī zabāñ rakhtā hai

ek nūr-e-sahar-e-be-āvāz

huī barbād pas-e-be-hunrāñ

sa.ī-e-arz-e-hunar-e-be-āvāz

pa.e hañgāma-e-hastī-e-bashar

maut hai chāragar-e-be-āvāz

hai vo be-pāñv guzarne kī dalīl

irtiqā kā safar-e-be-āvāz

rañg laayā hai sadā ban ke 'sabā'

merā ḳhūn-e-jigar-e-be-āvāz

naghma-zan hai nazar-e-be-awaz

kyun mere dil asar-e-be-awaz

mere dil se unhen apne dil ki

mil rahi hai KHabar-e-be-awaz

lakh kirnon ki zaban rakhta hai

ek nur-e-sahar-e-be-awaz

hui barbaad pas-e-be-hunran

sai-e-arz-e-hunar-e-be-awaz

pae hangama-e-hasti-e-bashar

maut hai chaaragar-e-be-awaz

hai wo be-panw guzarne ki dalil

irtiqa ka safar-e-be-awaz

rang laya hai sada ban ke 'saba'

mera KHun-e-jigar-e-be-awaz