nahin aasan ki insan mein farishte ki ho KHu paida

nahīñ āsāñ ki insāñ meñ farishte kī ho ḳhū paidā

shikast-e-ārzū kartī hai tark-e-ārzū paidā

na dekho to qayāmat tak na aa.egā nazar jalva

agar dekho to shakl-e-yār hogī chār-sū paidā

ye nā-mumkin hai nāloñ kā asar us sang-dil par ho

ye mumkin hai ki aahoñ se ho patthar meñ lahū paidā

piyūñgā shādmāñ ho kar nigāh-e-mast-e-sāqī se

karūñgā roz-e-mahshar hāsil-e-jām-o-subū paidā

ḳhas-o-ḳhāshāk ban kar jal uThegā ālam-e-imkāñ

dil-e-momin kare to nāra-e-allāh-hū paidā

amal kā sāz-e-dilaksh chheḌ kar majbūr-e-ġham dekheñ

fazā ḳhud hī karegī naġhma-e-lā-taqnatū paidā

dil-e-ḳhurshīd-e-raḳhshāñ meñ 'bashīr' āḳhir jagah paa.ī

yahāñ tak qatra-e-shabnam ne kar lī aabrū paidā

nahin aasan ki insan mein farishte ki ho KHu paida

shikast-e-arzu karti hai tark-e-arzu paida

na dekho to qayamat tak na aaega nazar jalwa

agar dekho to shakl-e-yar hogi chaar-su paida

ye na-mumkin hai nalon ka asar us sang-dil par ho

ye mumkin hai ki aahon se ho patthar mein lahu paida

piyunga shadman ho kar nigah-e-mast-e-saqi se

karunga roz-e-mahshar hasil-e-jam-o-subu paida

KHas-o-KHashak ban kar jal uThega aalam-e-imkan

dil-e-momin kare to nara-e-allah-hu paida

amal ka saz-e-dilaksh chheD kar majbur-e-gham dekhen

faza KHud hi karegi naghma-e-la-taqnatu paida

dil-e-KHurshid-e-raKHshan mein 'bashir' aaKHir jagah pai

yahan tak qatra-e-shabnam ne kar li aabru paida