nahin hai yun ki use hum tamam bhul gae

nahīñ hai yuuñ ki use ham tamām bhuul ga.e

vo shakl yaad rahī us kā naam bhuul ga.e

vo boltī huī āñkheñ hameñ rahīñ azbar

zabān-e-ḳhalq ke saare kalām bhuul ga.e

talāsh-e-tishna-labī meñ vo nashsha thā ki hameñ

nasīb meñ the jo labrez jaam bhuul ga.e

milā to sunte rahe dāstān dushman kī

hamāre dil meñ thā jo intiqām bhuul ga.e

kise samajhnā hai rahzan to rahnumā kis ko

ye faisle kī ghaḌī meñ avaam bhuul ga.e

ye be-ḳhudī se bhī aage kī raah thī shāyad

jise pukārne nikle vo naam bhuul ga.e

nahin hai yun ki use hum tamam bhul gae

wo shakl yaad rahi us ka nam bhul gae

wo bolti hui aankhen hamein rahin azbar

zaban-e-KHalq ke sare kalam bhul gae

talash-e-tishna-labi mein wo nashsha tha ki hamein

nasib mein the jo labrez jam bhul gae

mila to sunte rahe dastan dushman ki

hamare dil mein tha jo intiqam bhul gae

kise samajhna hai rahzan to rahnuma kis ko

ye faisle ki ghaDi mein awam bhul gae

ye be-KHudi se bhi aage ki rah thi shayad

jise pukarne nikle wo nam bhul gae