nahin kaTta hai ye maidan-e-bala

nahīñ kaTtā hai ye maidān-e-balā

vādī-e-ḳhizr bayābān-e-balā

musta.id zulf mirī rañj pe hai

hai muhayyā sar-o-sāmān-e-balā

mar gayā gesu-e-pur-pech meñ dil

chhuT gayā qaidī-e-zindān-e-balā

haar phūloñ kī haiñ choTī meñ ayaañ

kyā hī phūlā hai gulistān-e-balā

bole bikhrā ke vo zulfeñ apnī

ham hue silsila-jumbān-e-balā

ūñchī choTī hai ġhazab ai yam-e-husn

kyā hī uTThā hai ye tūfān-e-balā

kaan kī lau tirī zulfoñ meñ nahīñ

hai charāġh-e-tah-e-dāmān-e-balā

garmī-e-ruḳh se araq-rez hai zulf

hai guhar-bār ye naisān-e-balā

dil mire siine meñ hai mahv-e-mizha

hai yahī sher-e-niyastān-e-balā

nahin kaTta hai ye maidan-e-bala

wadi-e-KHizr bayaban-e-bala

mustaid zulf meri ranj pe hai

hai muhayya sar-o-saman-e-bala

mar gaya gesu-e-pur-pech mein dil

chhuT gaya qaidi-e-zindan-e-bala

haar phulon ki hain choTi mein ayan

kya hi phula hai gulistan-e-bala

bole bikhra ke wo zulfen apni

hum hue silsila-jumban-e-bala

unchi choTi hai ghazab ai yam-e-husn

kya hi uTTha hai ye tufan-e-bala

kan ki lau teri zulfon mein nahin

hai charagh-e-tah-e-daman-e-bala

garmi-e-ruKH se araq-rez hai zulf

hai guhar-bar ye naisan-e-bala

dil mere sine mein hai mahw-e-mizha

hai yahi sher-e-niyastan-e-bala