nahin ki mujhko qayamat ka etiqad nahin

nahīñ ki mujh ko qayāmat kā e'tiqād nahīñ

shab-e-firāq se roz-e-jazā ziyād nahīñ

koī kahe ki shab-e-mah meñ kyā burā.ī hai

balā se aaj agar din ko abr o baad nahīñ

jo aa.uuñ sāmne un ke to marhabā na kaheñ

jo jā.ūñ vaañ se kahīñ ko to ḳhair-bād nahīñ

kabhī jo yaad bhī aatā huuñ maiñ to kahte haiñ

ki aaj bazm meñ kuchh fitna-o-fasād nahīñ

alāva iid ke miltī hai aur din bhī sharāb

gadā-e-kūcha-e-mai-ḳhāna nā-murād nahīñ

jahāñ meñ ho ġham-o-shādī baham hameñ kyā kaam

diyā hai ham ko ḳhudā ne vo dil ki shaad nahīñ

tum un ke va.ade kā zikr un se kyuuñ karo 'ġhālib'

ye kyā ki tum kaho aur vo kaheñ ki yaad nahīñ

nahin ki mujh ko qayamat ka e'tiqad nahin

shab-e-firaq se roz-e-jaza ziyaad nahin

koi kahe ki shab-e-mah mein kya burai hai

bala se aaj agar din ko abr o baad nahin

jo aaun samne un ke to marhaba na kahen

jo jaun wan se kahin ko to KHair-baad nahin

kabhi jo yaad bhi aata hun main to kahte hain

ki aaj bazm mein kuchh fitna-o-fasad nahin

alawa id ke milti hai aur din bhi sharab

gada-e-kucha-e-mai-KHana na-murad nahin

jahan mein ho gham-o-shadi baham hamein kya kaam

diya hai hum ko KHuda ne wo dil ki shad nahin

tum un ke wade ka zikr un se kyun karo 'ghaalib'

ye kya ki tum kaho aur wo kahen ki yaad nahin