nahin meri wapsi ka koi etibar kahna

nahīñ merī vāpsī kā koī e'tibār kahnā

vo kare na zindagī bhar mirā intizār kahnā

vo mohabbatoñ ke mausam tujhe yaad bhī haiñ hamdam

mirā ek baar sunñā terā baar baar kahnā

vo sharīf aadmī hai mirā tazkira kare nā

use jāntī hai duniyā rahe hoshiyār kahnā

jo hañsā hai itifāqan tumheñ dekh kar mirā man

na ise sitam samajhnā na ise qarār kahnā

vo har ek biitā lamha mujhe yaad aa rahā hai

tirā mujh se baat karnā mirā tujh ko yaar kahnā

zarā ehtiyāt rakkhe mire sāmne na aa.e

mirā dekhnā na kar de use sharmsār kahnā

nahin meri wapsi ka koi e'tibar kahna

wo kare na zindagi bhar mera intizar kahna

wo mohabbaton ke mausam tujhe yaad bhi hain hamdam

mera ek bar sunna tera bar bar kahna

wo sharif aadmi hai mera tazkira kare na

use jaanti hai duniya rahe hoshiyar kahna

jo hansa hai itifaqan tumhein dekh kar mera man

na ise sitam samajhna na ise qarar kahna

wo har ek bita lamha mujhe yaad aa raha hai

tera mujh se baat karna mera tujh ko yar kahna

zara ehtiyat rakkhe mere samne na aae

mera dekhna na kar de use sharmsar kahna