nahin rahoge to kuchh nibhana nahin paDega

nahīñ rahoge to kuchh nibhānā nahīñ paḌegā

ye sar kaTā lo ki phir uThānā nahīñ paḌegā

ye jang hogī tamām ġhāzī shahīd hoñge

kisī ko maidāñ se lauT jaanā nahīñ paḌegā

ḳhudā kī maano to daal roTī milā karegī

kisī ko miTTī meñ hal chalānā nahīñ paḌegā

kahīñ rahūñgā to chhat zarūrat rahegī merī

safar karūñgā to ghar banānā nahīñ paḌegā

ye chābiyāñ haiñ mire ḳhazāne kī paas rakh le

mujhe dobāra use chhupānā nahīñ paḌegā

usī galī meñ tamām logoñ ke ghar baneñge

kisī ko milne kahīñ pe jaanā nahīñ paḌegā

qasam ḳhudā kī maiñ koī shikva nahīñ karūñgā

tujhe mohabbat meñ kuchh nibhānā nahīñ paḌegā

nahin rahoge to kuchh nibhana nahin paDega

ye sar kaTa lo ki phir uThana nahin paDega

ye jang hogi tamam ghazi shahid honge

kisi ko maidan se lauT jaana nahin paDega

KHuda ki mano to dal roTi mila karegi

kisi ko miTTi mein hal chalana nahin paDega

kahin rahunga to chhat zarurat rahegi meri

safar karunga to ghar banana nahin paDega

ye chabiyan hain mere KHazane ki pas rakh le

mujhe dobara use chhupana nahin paDega

usi gali mein tamam logon ke ghar banenge

kisi ko milne kahin pe jaana nahin paDega

qasam KHuda ki main koi shikwa nahin karunga

tujhe mohabbat mein kuchh nibhana nahin paDega