nahin tum mante mera kaha ji
nahīñ tum mānte merā kahā jī
kabhī to ham bhī samjheñge bhalā jī
achambhā hai mujhe bulbul ki gul bin
qafas meñ kis tarah terā lagā jī
tumhāre ḳhat ke aane kī ḳhabar sun
miyāñ sāhab nipaT merā kuḌhā jī
zakāt-e-husn de maiñ be-navā huuñ
yahī hai tum se ab merī sadā jī
kisī ke jī ke ta.iiñ letā hai dushman
mirā to le gayā hai āshnā jī
thakā maiñ sair kar saare jahāñ kī
mirā ab sab taraf se mar gayā jī
jalāyā aa ke phir 'tābāñ' ko tū ne
hamārī jaan ab tū bhī sadā jī
nahin tum mante mera kaha ji
kabhi to hum bhi samjhenge bhala ji
achambha hai mujhe bulbul ki gul bin
qafas mein kis tarah tera laga ji
tumhaare KHat ke aane ki KHabar sun
miyan sahab nipaT mera kuDha ji
zakat-e-husn de main be-nawa hun
yahi hai tum se ab meri sada ji
kisi ke ji ke tain leta hai dushman
mera to le gaya hai aashna ji
thaka main sair kar sare jahan ki
mera ab sab taraf se mar gaya ji
jalaya aa ke phir 'taban' ko tu ne
hamari jaan ab tu bhi sada ji
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
