nahin ye rasm-e-mohabbat ki ishtibah karo

nahīñ ye rasm-e-mohabbat ki ishtibāh karo

kiyā hai ishq to har haal meñ nibāh karo

nahīñ hai ishq to phir zindagī meñ kuchh bhī nahīñ

kisī se ishq karo aur be-panāh karo

karūñgā maiñ tirī mahfil kī raunaqeñ do-chand

merī taraf bhī agar lutf kī nigāh karo

sunā hai sair-e-chaman ko vo aa rahe haiñ aaj

junūn-e-shauq ko bar-vaqt intibāh karo

shi.ār-e-husn kī tauqīr kā taqāzā hai

marīz-e-ishq se tajdīd-e-rasm-o-rāh karo

mirī tarah na raho ālam-e-taḳhayyul meñ

mirī tarah na bharī zindagī tabāh karo

agar maqām hai matlūb bazm-e-ulfat meñ

ġham-e-firāq kī shiddat meñ zabt-e-āh karo

jahāñ meñ rasm-e-sitam nañg-e-ādmi.yat hai

sitam ke daur kī har chiiz ko tabāh karo

namāz-e-dīd ke anjām par mujhe dil kā

ye mashvara hai ki ab tauf-e-jalva-gāh karo

janāb-e-shaiḳh ko dekhā hai maiñ ne ḳhalvat meñ

agar yahī hai sharāfat to phir gunāh karo

shi.ār-e-makr-o-riyā maulvī se mat sīkho

na apne nāma-e-a.amāl ko siyāh karo

nahin ye rasm-e-mohabbat ki ishtibah karo

kiya hai ishq to har haal mein nibah karo

nahin hai ishq to phir zindagi mein kuchh bhi nahin

kisi se ishq karo aur be-panah karo

karunga main teri mahfil ki raunaqen do-chand

meri taraf bhi agar lutf ki nigah karo

suna hai sair-e-chaman ko wo aa rahe hain aaj

junun-e-shauq ko bar-waqt intibah karo

shiar-e-husn ki tauqir ka taqaza hai

mariz-e-ishq se tajdid-e-rasm-o-rah karo

meri tarah na raho aalam-e-taKHayyul mein

meri tarah na bhari zindagi tabah karo

agar maqam hai matlub bazm-e-ulfat mein

gham-e-firaq ki shiddat mein zabt-e-ah karo

jahan mein rasm-e-sitam nang-e-admiyat hai

sitam ke daur ki har chiz ko tabah karo

namaz-e-did ke anjam par mujhe dil ka

ye mashwara hai ki ab tauf-e-jalwa-gah karo

janab-e-shaiKH ko dekha hai main ne KHalwat mein

agar yahi hai sharafat to phir gunah karo

shiar-e-makr-o-riya maulwi se mat sikho

na apne nama-e-amal ko siyah karo